حسن علی کی ٹیم کےساتھ مانچسٹرمیں موجود فہیم اشرف سے دلچسپ گفتگو

لاہور(سپورٹس ڈیسک) فاسٹ بولرحسن علی نے ٹیم کے ساتھ مانچسٹر میں موجود آل راﺅنڈر فہیم اشرف سے دلچسپ گفتگو کی ہے۔انجری اورلاک ڈاﺅن کی وجہ سے گھر تک محدود فاسٹ بولرحسن علی نے ٹیم کے ساتھ مانچسٹر میں موجود آل راﺅنڈر فہیم اشرف سے دلچسپ گفتگو کی ہے۔ ویڈیو لنک پر دونوں نے ہنسی مذاق میں دلچسپ سوالات کے جوابات دئیے۔پی سی بی کی طرف سے جاری کردہ ویڈیوزمیں حسن علی نے پوچھا کہ لاک ڈاون میں شاپنگ کیسے کررہے ہیں، جس پر فہیم اشرف کا جواب تھا کہ شاپنگ کرنے نہیں جاسکتے، آن لائن چیزیں منگوارہا ہوں۔ یہ بھی بتایا کہ گراﺅنڈ میں نیٹ پریکٹس کے علاوہ ہوٹل میں اسنوکرسمیت دیگر انڈور گیمز کھیل رہے ہیں۔فہیم اشرف نے مذاق میں کہا کہ پہلے آپ کو دیکھ دیکھ کر تھک جاتا تھا اب موسی کو دیکھ دیکھ کر تھک گیا ہوں۔ حسن علی کے موسم کیسا ہے اوربیمارکیوں لگ رہے ہو، کے سوال پرآل رانڈرفہیم اشرف نے جواب دیا کہ تین تین بار ٹیسٹ ہوئے ہیں، کیا کریں۔ فہیم اشرف نے ٹیم ٹریننگ کوزبردست اورماحول کو شاندارقراردیا اوراس عزم کا اظہارکیا کہ انگلینڈ کے خلاف سیریز میں بہترین پرفارمنس دیں گے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*