چچا کے چیف سلیکٹر ہونے کی چھاپ اتارنا بہت مشکل ہے، امام الحق

لاہور(اے این این ) اوپنر امام الحق نے کہا ہے کہ چچا انضمام الحق کے چیف سلیکٹر ہونے کی چھاپ اتارنا بہت مشکل ہے۔ ایک انٹرویو میں اوپنر امام الحق نے کہا کہ میں نیوزی لینڈ کیخلاف زیادہ رنز نہیں بنا سکا، جنوبی افریقہ کیخلاف مشکل سیریز میں ٹیسٹ سنچری بنانے کا خواب پورا کرنے کی کوشش کروں گا، انھوں نے کہا کہ ٹی 20ٹیم میں فخر اور بابر اعظم اچھا کھیل رہے ہیں، میرے انتخاب کا انحصار سلیکٹرز اور ٹیم کی ضرورت پر ہے۔ایک سوال پر امام الحق نے کہا کہ چیف سلیکٹر انضمام الحق کا بھتیجا ہونے کی چھاپ اتارنا مشکل بلکہ ناممکن ہے۔ میری ون ڈے میں اوسط63 ہے لیکن 2،3 اننگز میں اچھا کھیل پیش نہ کر سکا تو شور اٹھا کہ اس کو ٹیم سے نکال دو، اگر چچا اپنے عہدے سے ہٹ جائیں جومجھ سے زیادہ شاید ہی کوئی خوش ہو۔نظر کا چشمہ لگانے سے مشکل کے سوال پر امام الحق نے کہا کہ نمی اور مصنوعی روشنی میں مسائل تو ہوتے ہیں لیکن اب عادی ہو چکا ہوں، لینسز لگانے کا تجربہ کامیاب نہیں رہا تھا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*