تازہ ترین

ہمیں اپنی آخرت کےلئے سوچ بچار کرنی چاہیے‘ عار ف لوہار

لاہور( شوبز ڈیسک)نامور گلوکار عارف لوہار نے کہا ہے کہ زندگی پانی کا بلبلہ ہے اس لئے ہمیں اپنی آخرت کےلئے بھی سوچ بچار کرنی چاہیے، کمزور رشتہ دار وں اور غریبوںکا حق مارنا اوران کی جائیدادوں پر قبضے کرنا کوئی قابل فخر کام نہیں بلکہ اس کا حساب دینا پڑے گا اور میرے رب کی گرفت بہت سخت ہے ۔ ایک انٹرویو میں عارف لوہار نے کہا کہ زندگی بہت عارضی ہے اس لئے میں نے کبھی بھی بہت طویل منصوبہ بندی نہیں کی ، زندگی گزارنے کےلئے جتنا ضروری ہوتا ہے اتنی سوچ بچار کرتا ہوں اور رب کی ذات ہمارے حق میں بہتر کرتی ہے ۔ انہوں نے کہا کہ بااثر لوگ کمزورطبقات پر ظلم کرکے بڑے فخر سے ویڈیوز سوشل میڈیا پر شیئر کرتے ہیں لیکن ایسے لوگ رب کریم کی گرفت سے بچ نہیں سکتے، غریب کی بد دعا بغیر کسی رکاوٹ کے ساتویں آسمان تک پہنچتی ہے اور میرا رب کمزور کی دعا کو سنتاہے اس لئے ظالموںکو اس کی پکڑ سے ڈرنا چاہیے اور توبہ کرنی چاہیے ۔ انہوںنے کہاکہ بہت سے لوگ اپنے یتیم رشتہ داروں کی جائیدادیں ہتھیا لیتے ہیں ایسے لوگوں کو بھی سوچنا چاہیے کہ زندگی ختم ہو جائے گی پھر ان کے بچوں نے ان جائیدادوں پر براجمان ہونا ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*