کرکٹ کرپشن کیس، ویڈیو لنک پر عمراکمل کیس کی سماعت یکم دسمبر کو ہوگی

umar akmal

لاہور(سپورٹس ڈیسک) کرکٹ کرپشن کیس میں کھیلوں کی عالمی ثالثی عدالت میں ویڈیو لنک پر عمراکمل کیس کی سماعت یکم دسمبر کو ہوگی۔سوئٹزرلینڈ میں موجود کھیلوں کی عالمی ثالثی عدالت کی جانب سے پاکستان کرکٹ بورڈ اور عمر اکمل کے وکلا کو سماعت کی تاریخ مقرر کیے جانے کے لیے حوالے سے آگاہ کردیا۔ذرائع کے مطابق سماعت کے لیے ایک ایڈ جیوڈیکٹربھی مقرر کردیاہے جو فریقین کا موقف سننے اور دستیاب شواہد کو سامنے رکھ کر اپیل کیس کافیصلہ سنائے گا۔ٹیسٹ کرکٹر نے پبلک سماعت کی استدعاکی تھی جب کہ پی سی بی حکام ورچوئل سماعت کے حق میں تھے۔ ثالثی عدالت نے کوویڈ صورت حال کو سامنےرکھتے ہوئے عمراکمل کی ورچوئل سماعت کی درخواست کو قبول نہیں کیا۔ ویڈیو لنک سماعت سے اخراجات کی بچت بھی ہوگی۔ پی سی بی ٹربیونل نے اینٹی کرپشن کوڈ کی خلاف ورزی پر عمر اکمل کو 3 سال پابندی کی سزا سنائی تھی جس کوآزاد ایڈجیوڈیکٹر نے نصف کردیا تھا۔پی سی بی نے سزا کو 18ماہ کم کرنے پر ثالثی عدالت سے رجوع کیا ہے، عمر اکمل اس سزا کو مزید کم کرنےکی اپیل کر رکھی ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*