تازہ ترین

پی آئی اے کو دھمکیاں،پاکستان کا معاملہ افغانستان کے ساتھ اٹھانے کا فیصلہ

اسلام آباد(آئی این پی ) ترجمان دفترخارجہ نے کہا ہے کہ پی آئی اے نے افغانستان میںپروازیں انسانی ہمدردی کی بنیاد پر چلائیں ، افغانستان میں پی آئی اے کو دھمکیوں کا معالہ پاکستان کے افغانستا ن میں سفیر افغان حکام کے ساتھ اٹھائیں گے،افغانستان میں وسیع البنیاد حکومت اور امن کا قیام سب کی اولین ترجیح ہونی چاہیے، ایران پاکستان کا پرامن ہمسایہ ملک ہے، افغانستان سمیت اہم ایشوز پر بات چیت ہوئی، سعودی عرب کے حوالے سے ایران سے کوئی بات نہیں ہوئی،بھارت کو علاقائی امن و استحکام کے لئے خطرہ بننے سے روکا جائے، پاکستان نے بھارت میں اسلاموفوبیا اور اقلیتوں کے خلاف ظلم کی جانب دنیا کی توجہ مبذول کرائی ہے۔اپنی ہفتہ وار بریفنگ میں ترجمان دفترخارجہ عاصم افتخار نے کہا کہ کابل میں پی آئی اے آپریشن کی معطلی کے حوالے سے پی آئی اے نے وضاحت جاری کی ہے، قومی ایئرلائن نے انسانی ہمدردی کی بنیاد پر پروازیں چلائیں، تاہم اب پی آئی اے کی پروازیں معطل کردی گئی ہیں، ا فغانستان میں پاکستان کے سفیر اعلی حکام کے ساتھ معاملہ اٹھائیں گے۔ ترجمان کا کہنا تھا کہ ایرانی عسکری وسویلن حکام سے اہم ملاقاتیں ہوئی ہیں، دونوں ممالک کے مابین دیرینہ تعلقات ہیں، ایران پاکستان کا پرامن ہمسایہ ملک ہے، افغانستان سمیت اہم ایشوز پر بات چیت ہوئی، تاہم سعودی عرب کے حوالے سے ایران سے کوئی بات نہیں ہوئی، سعودی عرب اور ایران کے مابین مسائل کے حل کے لئے مذاکرات ہونے چاہئیے، کسی بھی دوسرے ملک کی وجہ سے کسی ملک سے تعلقات متاثر نہیں ہوتے۔دفترخارجہ کے ترجمان نے کہا کہ افغانستان میں وسیع البنیاد حکومت اور امن کا قیام سب کی اولین ترجیح ہونی چاہیے، مذاکرات کے ذریعے ہی افغانستان کے مسائل حل ہوسکتے ہیں۔ عاصم افتخار نے کہا کہ مقبوضہ جموں کشمیر میں ایک ہفتے میں جعلی مقابلوں میں 10 کشمیریوں کو بے دردری سے قتل کیا گیا، 1400 سے ذائد کشمیریوں پر جعلی مقدمے قائم کئے، بھارت کے نہتے کشمیریوں کے خلاف جارحانہ اقدامات کا ایک نہ ختم ہونے والا سلسلہ جاری ہے، بھارت کو علاقائی امن و استحکام کے لئے خطرہ بننے سے روکا جائے، پاکستان نے بھارت میں اسلاموفوبیا اور اقلیتوں کے خلاف ظلم کی جانب دنیا کی توجہ مبذول کرائی ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*