تازہ ترین

شاہ رخ خان کی اداکارہ عالیہ بھٹ سے انوکھی درخواست

ممبئی(شوبز ڈیسک) بالی وڈ کنگ شاہ رخ خان نے اداکارہ عالیہ بھٹ سے ایک انوکھی خواہش کا اظہار کیا جوانہوں نے مان بھی لی۔بالی وڈ کنگ خان کا شماراب بھی بالی ووڈ کے بڑے ستاروں میں ہوتا ہے جن کے پاس ہمیشہ بہت سی فلمزکی آفرہوتی ہیں۔لیکن اس باراداکار نے عالیہ بھٹ سے انوکھی خواہش ظاہرکی ہے۔ ہوا کچھ یوں کہ جیسے ہی اداکارہ عالیہ بھٹ نے اپنے پروڈکشن ہاؤس کے بینرتلے فلم ’ڈارلنگ‘ کی شوٹنگ کی تصویر شیئر کی تو شارخ خان نے ان سے درخواست کی کہ اس فلم کی پروڈکشن کے بعد وہ اگلے ہوم پروڈکشن کے لیے مجھے سائن کرلیں۔شاہ رخ خان نے عالیہ بھٹ کویقین دلایا کہ وہ شوٹ کے لیے وقت کی پابندی کریں گے اوربہت پروفیشنل اندازمیں کام کریں گے جس کا وہ وعدہ بھی کرتے ہیں۔
اداکارہ نے ہنستے ہوئے جواب دیا کہ وہ اس سے زیادہ کچھ نہیں مانگ سکتی ہیں۔ اداکارہ نے لکھا کہ ڈیل ڈن اوروہ سمجھیں کہ پروڈکشن ہاؤس نے انہیں سائن کرلیا ہے، ساتھ ساتھ محبت کا بھی اظہارکیا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*