تازہ ترین

پاک چین تعلقات کسی ایک حکومت تک نہیں سدا بہار ہیں ،عاصم سلیم باجوہ

Asim Bajwa

ٹیکسلا /اسلام آباد (این این آئی)پاکستانی اور چینی کمپنیوں نے متعدد بزنس معاہدوں پر دستخط کر دیئے گئے ہیں جبکہ چیئر مین سی پیک اور معاون خصوصی برائے اطلاعات لیفٹیننٹ جنرل ریٹائرڈ عاصم سلیم باجوہ نے کہا ہے کہ پاک چین تعلقات کسی ایک حکومت تک نہیں سدا بہار ہیں ،پاکستان میں صنعتی ، ترقی ، اقتصادی زونز کی بنیاد رکھ دی گئی ہے ،توانائی کے شعبے میں ایک منصوبہ مکمل ہوچکا ہے ، 9 تکمیل کے مراحل میں ہیں،اربوں ڈالرز کے یہ منصوبے ملکی تقدیر بدل دیں گے،کورونا وباءبھی سی پیک منصوبوں کو متاثر نہیں کرسکا،سی پیک کے دوسرے مرحلے سے معیشت پر بہتر اور بھرپور مثبت اثرات ہوں گے،لاکھوں نوانوں کو روزگار ملے گا۔جمعرات کو ٹیکسلا میں معاہدے دستخط کی تقریب کا انعقاد کیا گیا جس میں چینی کمپنیوں کے نمائندوں نے ویڈیو لنک کے ذریعے تقریب میں شرکت کی۔ایچ ایم سی اور چینی کمپنیوں کے درمیان معاہدے پر دستخط چیئرمین سی پیک لیفٹیننٹ جنرل ریٹائرڈ عاصم سلیم باجوہ ،چیئرمین اٹاملک انرجی کمیشن انجینئر محمد نعیم کی موجودگی میں کئے گئے ،ایم ڈی ایچ ایم سی نے چائنا نیشنل الیکٹرک کمپنی کے ساتھ معاہدے پر دستخط کئے،چائنا کنسٹرکشن کمپنی ،شنگ لنگ ایکسپورٹ کمپنی اور دیگر چینی کمپنیوں کےساتھ بزنس معاہدے پر دستخط کئے گئے ،توانائی، گھروں کی تعمیر، برآمدات کے فروغ اور باہمی تجربات کے تبادلہ کیا جائے گا۔معاہدوں کی تقریب سے خطاب کرتے ہوئے چیئرمین سی پیک ، معاون خصوصی برائے اطلاعات و نشریات لیفٹیننٹ جنرل ریٹائرڈ عاصم سلیم باجوہ نے کہا کہ ایچ ایم سی اور چینی کمپنیوں کے درمیان معاہدے تاریخی اہمیت کے حامل ہیں،ایچ ایم سی پچاس سال سے ملکی ضروریات پوری کرنے میں مصروف عمل ہے، انجینئرنگ کے شعبے میں ایچ ایم سی کا اپنا اہم کردار ادا ہے، ایچ ایم سی نے درآمدی مشینری پر بھاری زرمبادلہ خرچ کرنے سے بچانے میں اہم کردار ادا کیا ہے۔انہوں نے کہا کہ پاک چین مثالی دوستی سے سب مستفید ہورہے ہیں،سی پیک ہر پاکستانی کی محبت کی عکاسی کرتا ہے،ہر منصوبے کو جلد از جلد مکمل کرنے پر توجہ دی جارہی ہے،سی پیک کے منصوبوں میں ہر رکاوٹ کو دور کرکے آگے بڑھا رہے ہیں،عاصم سلیم باجوہ نے کہا کہ یہ تاریخی موقع ہے جب ہم ملک میں صنعتی انقلاب کی بنیاد رکھ رہے ہیں،ہیوی مکینیکل کمپلیکس نے پاکستان کی ترقی میں کلیدی کردار ادا کیا،پاکستان کے انجینئرنگ شعبے میں ایچ ایم سی نے اپنا بھرپور کردار نبھایا ہے،بھرپور محنت اور لگن سے ایچ ایم سی کی بحالی کا عمل شروع ہو چکا ہے۔ انہوںنے کہاکہ چین ہیوی مکینیکل کمپلیکس کی میں بہت زیادہ دلچسپی لے رہا ہے،سی پیک، پاکستان، چین آہنی بھائی چارے، قیادت کے مابین محبت کا عکاس ہے ،دونوں ممالک اقتصادی ترقی اور باہمی فوائد کیلئے آگے بڑھ رہا ہے۔انہوں نے کہا کہ پاک، چین تعلقات کسی ایک حکومت تک نہیں، سدا بہار ہیں،سی پیک پہلے مرحلے سے دوسرے مرحلے میں داخل ہو چکا ہے ۔ انہوںنے کہاکہ وزیراعظم نے سی پیک کے پہلے مرحلے کے تمام منصوبے تیز تر اور جلد مکمل کی ہدایت کی ہے ،سی پیک کا دوسرا مرحلہ ریلوے کا مکمل ڈھانچہ تبدیل کر رہے ہیں ،1870 کلومیٹر کا ریلوے ٹریک، ریلوے کراسنگ، سگنلز سب تبدیل ہو رہے ہیں ،انہوں نے اس بات کا اعادہ کیا کہ پاکستان کو جلد منافع بخش ریلوے ملے گی۔ انہوںنے کہاکہ پاکستان میں صنعتی ترقی، اقتصادی زونز کی بنیاد رکھ دی گئی ہے ،رشہ کئی اور دھابے جی کے اقتصادی زونز جلد شروع ہونے کا رہے ہیں۔عاصم سلیم باجوہ نے کہا کہ سی پیک کے دوسرے مرحلے میں داخل ہوچکے ہیں،کراچی سے پشاور تک 1800 کلومیٹر سے لمبی ریل لائن ایم ایل ون شامل ہے،حویلیاں میں ڈرائی پورٹ بنائی جائے گی،ریلوے کو اپ گریڈ کرکے منافع بخش بنایا جائےگا،ہر صوبے میں خصوصی اقتصادی زونز بنا رہے ہیں،تین اقتصادی زونز رشکئی، دھابیجی اور فیصل آباد میں بن رہے ہیں،ان تمام شعبوں میں ایچ ایم سی کا اہم کردار ادا ہوگا،مشینری اور انجینئرنگ کے حوالے سے تعاون کی ضرورت ہوگی،دوسرے مرحلے میں لاکھوںجوانوں کو روزگار ملے ،ہمارے نوجوان ذہین اور محنتی ہیں،صنعتی انقلاب میں انسانی وسائل کا بہترین استعمال یقینی بنایا جائے گا۔عاصم سلیم باجوہ نے کہا کہ سی پیک کے دوسرے مرحلے سے معیشت پر بہتر اور بھرپور مثبت اثرات ہوں گے،زراعت کی ضروریات کیلئے ایچ ایم سی سے بھاری مشینری بنوائی جائے گی،مقامی طور پر مشینری بننے سے بھاری زرمبادلہ بچے گا،سی پیک میں سائنس و ٹیکنالوجی کا خصوصی کردار ہے،کورونا وباءبھی سی پیک منصوبوں کو متاثر نہیں کرسکا،توانائی کے شعبے میں ایک منصوبہ مکمل ہوچکا اور 9 تکمیل کے مراحل میں ہیں،اربوں ڈالرز کے یہ منصوبے ملکی تقدیر بدل دیں گے،دوسرے مرحلے میں قرضوں کی بجائے بزنس معاہدوں پر توجہ ہے۔انہوں نے کہا کہ مشین ٹول فیکٹری کی بھی ری ویمپنگ کی جائے گی،محنت اور اچھی توقعات سے سی پیک کی رفتار تیز کی جاسکتی ہے،آئندہ دنوں میں مزید منصوبوں بارے اطلاعات سامنے آئیں گی،سی پیک کی کامیابی میں ہر ادارے اور فرد کا کردار اہم ہے۔ ایچ ایم سی اور چینی کمپنیوں کے درمیان دستخطوں کی تقریب سے خطاب کرتے ہوئے چینی سفیر یاﺅینگ نے کہا کہ ایچ ایم سی اور چینی کمپنیوں کے درمیان بزنس تعاون پاک چین دوستی کا نیا باب ہے،اس معاہدے سے باہمی اقتصادی تعاون کو مزید فروغ اور استحکام ملے گا،دونوں ممالک کھ مابین تجارتی تعاون کے بے پناہ مواقع موجود ہیں،پاکستان اور چین کی دوستی اور تعاون 7 دہائیوں پر محیط ہے،سی پیک باہمی تعاون کو نئی جہت تک لے جارہا ہے۔انہوں نے کہا کہ پہلے مرحلے میں متعدد انفراسٹرکچر کے منصوبوں پر توجہ دی گئی،اب دوسرا تاریخی مرحلہ شروع ہوچکا ہے جو نئی راہیں کھولے گا،چین چار دہائیوں سے مینوفیکچرنگ کی بنیاد پر اقتصادی ترقی کی راہیں طے کررہا،زیادہ سے زیادہ مصنوعات کی تیاری کی صلاحیت نے صورتحال بدل دی ہے،سی پیک خطے میں ترقی اور استحکام کی نئی داستانیں رقم کرے گا۔انہوں نے کہا کہ چین کی کمپنیوں کا ہیوی مکینیکل کمپلیکس کیساتھ اشتراک پر فخر ہے،پاکستان کیساتھ کاروباری شراکت داری چین کی ترجیح ہے،پاکستان، چین ترقی، خوشحالی کیلئے قریبی تعاون اور اشتراک کی جانب بڑھ رہے ہیں،پاکستان اور چین اداروں کی استعداد کار میں اضافے پر زیادہ توجہ دے رہے ہیں،چین کی ترقی کی بنیاد بڑی صنعتوں کی ترقی کے مرہون منت ہے،نجی شعبہ کسی بھی ملک کی ترقی میں کلیدی کردار ادا کرتا ہے،چین کی حکومت، سفارتخانہ، چینی نجی کاروباری شعبے کے پاکستان میں اشتراک میں مددگار ہیں،چین کو فخر ہے کہ پاکستان جیسا قابل اعتماد اور عظیم دوست موجود ہے،چین اور پاکستان کے مابین حقیقی مضبوطی کاروباری، معاشی اشتراک ہے۔چینی سفیر نے کہا کہ دونوں ممالک کے مابین تجارتی تعاون کے بے پناہ مواقع موجود ہیں،سی پیک خطے میں ترقی اور استحکام کی نئی داستانیں رقم کرے گا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*