بچوں اور بچیوں سے زیادتی کے واقعات کی روک تھام کےلئے موثرقانون سازی ہونی چاہیے‘ وینا ملک

لاہور( شوبز ڈیسک) ناموراداکارہ وینا ملک نے کہاہے کہ بچوںاور بچیوںسے زیادتی کے واقعات کی روک تھام کےلئے موثرقانون سازی اور اس پر عملدرآمد بھی ہونا چاہیے ۔ایک انٹرویو میں وینا ملک نے کہاکہ قومی اسمبلی میں زینب الرٹ بل کی منظوری خوش آئند ہے ۔حکومت کو چاہیے کہ ہر سال قوانین پرنظر ثانی کی جائے اور بدلتے رجحانات کے مطابق قوانین میں بھی تبدیلی کی جانی چاہیے ۔ انہوںنے کہا کہ بچوں اور خواتین کے حوالے سے بہت سے نئے قوانین بنائے جارہے ہیں جو خوش آئند ہیں حالانکہ یہ کام کئی سال پہلے ہو جانا چاہیے تھا۔ہمارے ہاں یہ رواج ہو گیا ہے کہ ہم سانحہ ہونے کے بعد اس کے تدارک کےلئے سوچتے ہیں اور تب تک بہت دیر ہو چکی ہوتی ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*