امریکی معاون ایلس ویلز 19جنوری کو پاکستان کا دورہ روزہ دورہ کریں گی

واشنگٹن(م ڈ)امریکی معاون نائب وزیرِ برائے جنوبی و وسط ایشیائی امور ایلس ویلز جنوری کی 13 سے 22 تاریخ تک سری لنکا، بھارت اور پاکستان کا دورہ کریں گی۔میڈیارپورٹس کے مطابق امریکی محکمہ خارجہ کی ترجمان نے ایک اخباری بیان میں کہا کہ جنوری کی 13 سے 14 تاریخ تک ایلس ویلز سری لنکا کا دورہ کریں گی، جہاں وہ سرکاری اہل کاروں اور سول سوسائٹی کے ارکان سے ملاقاتوں کے دوران دوطرفہ اور علاقائی امور پر بات کریں گی۔ترجمان نے کہا کہ بات چیت میں مشترکہ مفادات، ہند و پیسیفک خطے کی خوش حالی، جمہوریت، انصاف اور انسانی حقوق کے بارے میں آزادانہ اور کھل کر گفتگو کی جائے گی۔ایلس ویلز جنوری کی 15 سے 18 تاریخ تک بھارت کا دورہ کریں گی جہاں وہ رائزنگ ڈائیلاگ کے اجلاس میں شریک ہوں گی۔نئی دہلی میں وہ سینئر سرکاری حکام سے ملاقات کریں گی جس کے دوران امریکہ بھارت عالمگیر اسٹریٹجک پارٹنرشپ 2019 کی کامیابی کے بارے میں گفتگو کریں گی۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*