تمام چیمبرز اور ایسوسی ایشنز کو آن بورڈ لیا جائے ‘ پیاف

PIAF

لاہور(کامرس ڈیسک) چیئرمین پاکستان انڈسٹریل اینڈ ٹریڈرز ایسوسی ایشنز فرنٹ (پیاف) میاں نعمان کبیر نے وزیر اعظم پاکستان اور چیف آف آرمی سٹاف کی جانب سے بزنس کمیونٹی کے لئے کاروبای ماحول اور معیشت بہتر کرنے کی یقین دہانی کا خیر مقدم کرتے ہوئے امید کی ہے کہ اس سلسلے میں فوری اقدامات اٹھائے جائیں گے اور کاوباری طبقہ کے تمام امور ایک ماہ میں حل کر دیے جائیں گے۔ انھوں نے کہا کہ اس سلسلے میں تمام چیمبرز کے صدور اور متعلقہ سیکٹرز کے سٹیک ہولڈرز کو شامل کیا جائے اور معاشی پالیساں آئندہ بیس سال کے لئے بنائی جائیں اس سلسلے میں تمام سٹیک ہولڈرز اپنا اپنا کردار ادا کریں بڑے سٹیک ہولڈرز کے ساتھ ساتھ چھوٹے اور ایس ایم ایز سیکٹر سے بھی مشاورت کی جائے۔انھوں نے کہاخاص طور پر اس وقت بلند شرح سود ایک بہت برا مسئلہ ہے اسے کم ترین سطح ہر لانا انتہائی ضروری ہے۔موجودہ صنعتیں اس بلند ترین شرح سود پر کاروبار چلانا ممکن نہیں ہے، انھوں نے کہا کہ تاجر پریشان ہیں انکے ٹیکسیشن اور ریفنڈز سے متعلقہ مسائل کو ترجیحی بنیادوں پر حل کیا جائے ۔میاں نعمان کبیر نے سیئنر وائس چیئرمین ناصر حمید خان اور وائس چیئرمین جاوید اقبال صدیقی کے ہمراہ پریس ریلیز جاری کرتے ہوئے کہا کہ ٹیکسوں کے پچیدہ نظام، دوہرے ٹیکسوں، زیادہ پیداواری لاگت، مارکیٹوں میں انفرا سٹرکچر اور کے فقدان پارکنگ مسائل کی وجی سے مارکیٹس کاروباری مندے کا شکار ہیں۔ حکومت اپنے کاروبار دوست ویژن کے مطابق تاجروں و صنعتکاروں کے مسائل کو ترجیحی بنیادوں پر حل کرے۔
٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*