پاکستان ٹیم کو سیمی فائنل کھیلتا دیکھ رہا ہوں،شاہد آفریدی

کراچی(سپورٹس نیوز)سابق کپتان شاہد خان آفریدی نے کہاہے کہ وہاب ریاض اور محمد عامر کی شمولیت سے ٹیم میں تجربے کی کمی ختم ہوگئی اس لیے اب ورلڈ کپ میں خراب پرفارمنس کا کوئی بہانہ باقی نہیں بچا ۔پی سی بی کے ٹویٹر اکاﺅنٹ پر جاری ویڈیو میں آفریدی نے کہاکہ میں سمجھتا ہوں کہ یہ ایک بہترین کمبی نیشن ہے، اچھی بات یہ ہے کہ اس بار ہمارے بیٹسمین اچھی فارم میں ہیں۔ انہوںنے کہاکہ تجربے کی کمی کے باعث میگا ایونٹ سے قبل ہماری بولنگ کومشکل کا سامنا رہا، مگر اب وہاب ریاض، شاداب خان اور محمد عامر ٹیم میں واپس لوٹ آئے، اس لیے خراب پرفارمنس کا کوئی بھی بہانہ باقی نہیں بچا ہے۔شاہد آفریدی نے کہاکہ میں پاکستان ٹیم کو سیمی فائنل کھیلتا دیکھ رہا ہوں، اللہ نے چاہا تو وہ فائنل بھی کھیلے گی۔
٭٭٭٭٭٭٭٭٭٭

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*