قوم سے کئے تمام وعدے پورے کرینگے،عمران خان

اسلام آباد(نیوز ایجنسیاں )وزیراعظم عمران خان نے کہا ہے کہ عوام سے کیے تمام وعدے پورے کریں گے، انہوں نے وزرا کو عوام کیلئے زیادہ سے زیادہ ریلیف فراہم کرنے کی ہدایت کی۔ وہ اتوار کووزیراعظم بنی گالہ میں حکومتی کارکردگی کے جائزہ اجلاس کی صدارت کر رہے تھے جس میں وزیر اطلاعات فواد چوہدری، گورنرپنجاب چودھری سرور ، وزیرتعلیم شفقت محمود اورنعیم الحق سمیت دیگر نے شرکت کی۔اجلاس میں حکومتی کارکردگی کے متعلق امور کا جائزہ لیا گیا۔عمران خان نے اس موقع پرکہا کہ عوام سے کئے وعدے پورے کریں گے، انھوں نے وزرا کو ہدایت کی کہ عوام کو زیادہ سے زیادہ ریلیف دیا جائے۔ گورنرپنجاب چودھری سرورنے وزیراعظم کو گورنر ہاوس مری عوام کیلئے کھولنے کے حوالے سے آگاہ کیا،انھوں نے کہا کہ وزیراعظم کی ہدایات اور ویژن کے مطابق کام کر رہے ہیں۔وزیراعظم نے وزرا سے 100 روزہ حکومتی پلان پر بھی مشاورت کی اور اس پر عملدرآمد کے حوالے سے معاملات جلد نمٹانے کی ہدایت کی۔ عمران خان نے حکومتی کارکردگی مزید بہتر بنانے کیلئے ضروری اقدامات یقینی بنانے کے بھی احکامات دیئے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*