تازہ ترین

گوگل سرچ انجن کا اگلے ماہ ایک نیا فیچر متعارف کرانےکا اعلان

کیلیفورنیا(م ڈ ) اب دل کی دھڑکن اور نبض کی رفتار کو اسمارٹ فون کے ذریعے بھی جانا جا سکے گا۔ غیر ملکی میڈیا کے مطابق گوگل سرچ انجن نے اگلے ماہ ایک ایسا فیچر متعارف کرانے کا اعلان کر دیا جو آپ کے دل کی دھڑکن اور نبض کی رفتار بتائے گا اور یہ فیچر گوگل فٹ ایپ پر دستیاب ہو گا۔ دل کی دھڑکن اور نبض کی رفتار جاننے کے لیے اسمارٹ فون کا فرنٹ کیمرہ استعمال کرنا ہو گا اور گوگل موبائل فون پر یہ بھی بتائے گا کہ آپ نے ایک منٹ میں کتنی بار سانس لیا ہے۔ دل کی دھڑکن دیکھنے کے لیے اسمارٹ فون کا کیمرہ آپ کی انگلیوں پر ہونے والے تبدیلیوں کا پتا لگائے گا اور اسی سے دل رفتار معلوم ہو سکے گی تاہم گوگل کا یہ بھی کہنا ہے کہ طبی مسائل کی تشخیص کے لیے اسے استعمال نہ کیا جائے۔ اس نئی ٹیکنالوجی کے تحت گوگل فٹ آپ کو اپنے اسمارٹ فون کیمرے کا استعمال کر کے دل کی شرح اور سانس کی شرح پیمائش کرنے کی اجازت دے گا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*