تازہ ترین

چین کی طرف سے امدادی سامان لےکر خصوصی طیارہ اسلام آباد پہنچ گیا

اسلام آباد (این این آئی)چین حکومت کی طرف سے امدادی سامان لے کر خصوصی طیارہ اسلام آباد پہنچ گیا ، ہفتہ کو طیارہ اسلام آباد کے ہوائی اڈے پر پہنچا تووزیر خارجہ مخدوم شاہ محمود قریشی نے چین کی طرف سے بھجوائے گئے امدادی سامان کو وصول کیا ۔سیکرٹری خارجہ سہیل محمود اور چیرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل اور پاکستان میں تعینات چینی سفیر یاو¿ جنگ بھی اس موقع پر موجود تھے۔وزیر خارجہ نے 8 رکنی چینی طبی ماہرین کی ٹیم کو پاکستان آمد پر خوش آمدید کہا۔یہ چینی طبی ماہرین کورونا وائرس سے نمٹنے کے حوالے سے خصوصی مہارت رکھتے ہیں،چینی طبی ٹیم دوہفتے تک پاکستان میں قیام کرے گی ۔ شاہ محمود قریشی نے کہاکہ چینی طبی ماہرین کی معاونت سے کورونا کے خلاف نبرد آزما ہونے میں مدد ملے گی اور اس وبا سے نمٹنے کیلئے ہماری استعداد کار میں اضافہ ہوگا ۔وزیر خارجہ نے پاکستان کی حکومت اور عوام کی طرف سے، عالمی وبائی چیلنج سے نمٹنے کیلئے پاکستان کو بروقت امدادی سامان بھجوانے پر چین کی حکومت اور عوام کا خصوصی شکریہ ادا کیا ۔انہوںنے کاہکہ چین، کورونا وبا پر قابو پانے کیلئے پاکستان کی بھرپور معاونت کر رہا ہے ،پاکستان اور چین کورونا کے چیلنج سے نمٹنے کے لئے قریبی اشتراک عمل اور تعاون جاری رکھیں گے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*